નભોમંડળની એકદમ નિરાળી દુનિયા પ્રત્યે જેમને માત્ર રસ નહિ, બલકે તરસ છે એવા જ્ઞાનપીપાસુઓને નગેન્દ્ર વિજય કમ્યૂનિટી સાયન્સ સેન્ટર ચેરિટેબલ ટ્રસ્ટ યથાયોગ્ય આવૃત્તિનાં Newtonian ટેલિસ્કોપ ઉપરાંત બાઇનોક્યૂલર્સ ભેટ આપવા માગે છે. ઉપયોગ કરવાને લગતું જરૂરી માર્ગદર્શન પણ ખરું. વધુમાં મુદ્રિત સચિત્ર માર્ગદર્શિકા પણ આપવાની યોજના છે.

ગુજરાતી માધ્યમમાં શિક્ષણ આપતી શાળાઓ માટે સોનેરી તક છે. અલબત્ત, સૌ પહેલાં તેમણે પોતાની યોગ્યતા પ્રતિપાદિત કરી આપે તેવી વિગતો ઉપરોક્ત ટ્રસ્ટને મોકલવાની રહેશે. આ સાથે તેને લગતું ફોર્મ સામેલ છે.

નગેન્દ્ર વિજય ટ્રસ્ટનું સૌભાગ્ય કે ટેલિસ્કોપ-બાઇનોક્યૂલર અંગે તેને જાણીતા ખગોળનિષ્ણાત તન્મયભાઇ વ્યાસનો મહામૂલો સહયોગ સાંપડ્યો છે. ગિરા ગુર્જરીના જ માધ્યમ દ્વારા ખગોળનાં રહસ્યો સમજાવતા તન્મયભાઇના વિડિઓ માણવા જેવા છે. ઉપરાંત તેમનાં છાત્રો વિશ્વા જૈન તથા પાશ્વ ચુડાસમા પણ ટ્રસ્ટમાં ટેલિસ્કોપ અંગે કેટલીક જવાબદારીઓ સંભાળવા તત્પર છે.

અહીં બતાવેલા Startracker Newtonion Reflector Telescope વડે dwarf planet / વામન ગ્રહ પ્લુટો સિવાય તમામ ગ્રહોને અવલોકી શકાય છે. આ મોડેલનાં કેટલાંક ટેલિસ્કોપ સહિત બીજી વિવિધ મોડેલનાં ટેલિસ્કોપ શાળા / ટ્રસ્ટને તેમની ટેલિસ્કોપ મેળવવાની યોગ્યતા બરાબર ચકાસીને ભેટ આપવા માટે નગેન્દ્ર વિજય કમ્યૂનિટી સાયન્સ સેન્ટર ચેરિટેબલ ટ્રસ્ટે ખરીદ કર્યાં છે.

વિગતો અન્યત્ર જોઇ લો.